Сүмбэр бороо-1 экспедицийн 6-р сарын тайлан

Говьсүмбэр аймгийн УЦУОШГазрын 2017 оны 06 дугаар сарын

Цаг агаарт зориудаар нөлөөлөх үйл ажиллагааны товч тайлан

2017.06.25.                                                                                Чойр хот

2017  оны 06 дугаар сард цаг агаарт зориудаар нөлөөлж, хур тунадас нэмэгдүүлэх үйл ажиллагааг  Сүмбэр бороо-1 экспедиц 2 удаагийн гаралтаар 3 байрлалд харвалт хийж нийт 7ш пуужин /21гр урвалж/ харавсан.

Эхний харвалт 2017 оны 06 дугаар сарын 20 ны үүрээр Цаг агаарт зориудаар нөлөөлөх үйл ажиллагааг Говьсүмбэр аймгийн төвөөс  хойд зүгт 25км-т Баянтал сумын нутаг Бор толгой гэдэг газар 04¹³ цагт λ-108⁰11'071" , φ-46⁰30'042" координат-д Цамхагийн нислэгийн удирдагч Баясгалангаас 10 минутын зөвшөөрөл авч 2 ширхэг пуужин харваж 6 гр урвалжыг үүлэнд хүргэн  үйл ажиллагаа явуулсан. Ажиллагаанд экспедицийн дарга Э.Энх-Од, Синоптик инженер Б.Пүрэвсүрэн, ЦАЗНАХариуцсан инженер М.Баярсайхан,  Жолооч С.Ганхүү нар оролцов. Хөндлөнгийн ажиглагчаар Аймгийн Хөгжлийн бодлогын хэлтсийн дарга Т.Бат-Эрдэнэ, Аймгийн хууль зүйн хэлтсийн дарга Магвансүрэн нар ажиллагаанд оролцов.

Хоёр дахь  Цаг агаарт зориудаар нөлөөлөх үйл ажиллагаа 06-р сарын 20-ны өдөр 14⁵⁰ цагт λ-108⁰11'971" , φ-46⁰24'442" координат-д Говьсүмбэр аймгийн төвөөс баруун хойд зүгт Дундговь аймгийн Цагаандэлгэр сумын нутаг Цагаантолгой гэдэг газар байрлаж цамхагын нислэгийн удирдагч Батнасангаас 10 минутын зөвшөөрөл авч хэвтээ өнцөг 010⁰-т, босоо өнцөг 45⁰-т 3 ширхэг пуужин хөөргөж үүлэнд нөлөөлөв. Нөлөөлсөний үр дүнд Аймгийн Баянтал сумын нутаг, Сүмбэр сумын 6-р багын нутгаар 0,4 мм тунадас орсон. Ажиллагаанд экспедицийн дарга Э.Энх-Од,  ЦАЗНАХариуцсан инженер М.Баярсайхан,  Жолооч С.Ганхүү нар оролцов.

Экспедицийн  2 дахь гаралт  цаг аарт зориудаар нөлөөлөх үйл ажиллагааг Говьсүмбэр аймгийн төвөөс  хойд зүгт 20км-т Баянтал сумын нутаг Лүн гэдэг газар 15⁵⁵ цагт λ-108⁰20'172" , φ-46⁰30'376" координат-д Цамхагийн нислэгийн удирдагч Баясгалангаас 10 минутын зөвшөөрөл авч 2 ширхэг пуужин харваж 6 гр урвалжыг үүлэнд хүргэн  үйл ажиллагаа явуулсан. Ажиллагаанд экспедицийн дарга Э.Энх-Од, ЦАЗНАХариуцсан инженер М.Баярсайхан,  Жолооч С.Ганхүү нар оролцов.

Дүгнэлт: 06 дугаар сарын байдлаар Сүмбэр бороо-1 экспедиц 3 удаа Цаг агаарт зориудаар нөлөөлөх үйл ажиллагаа явуулсаны үр дүнд байглийн тунадасыг  нэмэгдүүлж аймгийн бүх нутаг дэвсгэрийг хамруулан үйл ажиллагааг амжилттай зохион байгууллаа.